Աջափնյակում նախընտրական հանդիպման ժամանակ բնակիչները Տիգրան Ավինյանին ասացին, որ ոռոգման ջրի հարցով նախորդ տարի դիմել են կանաչապատման բաժին, հայտնել, որ ծառերը չորանում են, պատասխանել են՝ պատերազմող երկիր ենք, ֆինանս չունենք: Ավինյանը հետաքրքրվեց՝ ո՞վ է նման բան ասել. «Քրիստինան»,- արձագանքեց բնակչուհին. «Քրիստինան այլևս չի աշխատում: Էդ տեսակ նախադասության համար էդ տեսակ մարդիկ համայնքային ծառայող չպետք ա լինեն»,- նշեց Ավինյանը: