Ֆոտոլրագրող Գագիկ Շամշյանը գրում է, որ  փետրվարի 21-ին․ ժամը 17։00-ի սահմաններում ՀՀ ՆԳՆ ոստիկանության համայնքային ոստիկանության գլխավոր վարչության Շենգավիթի բաժնի ծառայողները ստացված օպերատիվ տեղեկություններն իրացնելով, ապօրինի թմրանյութ պահելու և օգտագործելու հիմնավոր կասկածի առկայության հիմքով Շիրակի փողոցից ձերբակալել և ոստիկանության Շենգավիթի բաժին են տեղափոխել Երևանի բնակիչ 42-ամյա Տիգրան Գ․-ին։

Ինչպես հայտնում է Գագիկ Շամշյանը, արդեն ոստիկանությունում վերջինիս մոտից անձնական խուզարկությամբ հայտնաբերվել է 2 հատ մոխրացած հետքերով կաթուցիչ, 0.76գ և 2.94գ մաքուր քաշերով դեղնականաչավուն «Մարիխուանա» տեսակի թմրանյութի նմանվող զանգված։

Գ․ Շամշյանի տեղեկություններով Տիգրան Գ․-ն ոստիկաններին հայտնել է, որ հայտնաբերվածը հանդիսանում է «Մարիխուանա» տեսակի թմրանյութ, պատկանում է իրեն և իր անձնական օգտագործման համար է:

Դեպքի փաստով ոստիկանության Շենգավիթի բաժնում փաստաթղթեր են կազմվել, որոնք Տիգրան Գ․-ի հետ միասին ներկայացվել են ՀՀ Քննչական կոմիտեի Երևան քաղաքի քննչական վարչության Շենգավիթի քննչական բաժին։

Ֆոտոլրագրողի տեղեկություննեորով Տիգրան Գ․-ն աշխատում է «Դերժավա» ընկերությունում, որպես վաճառքի մենեջեր։