«Քաղաքացիական պայմանագիր» կուսակցության ավագանու թեկնածու Արմեն Գալջյանի գրառումը. «Վերջին օրերին թեկնածուներից մեկը պարբերաբար շրջանառության մեջ է դնում ընտրությունների արդյունքների հնարավոր կեղծման թեզը, նման բան սովորաբար անում են, երբ զգում են անհաջողության վտանգը:
Եթե 2018 թվականից առաջ ընտրությունների կեղծումը կամ ընտրակաշառքի բաժանումը դարձել էր սովորական երևույթ, ապա հեղափոխությունից հետո այն տեղափոխվել է ֆանտաստիկայի ժանր, անգամ 2021թ. համապետական ընտրության ժամանակ, երբ քաղաքական պայքարը շատ ավելի ճակատագրական էր քաղաքական դաշտի և Հայաստանի ապագայի տեսանկյունից, գործող իշխանությունը որևէ ընտրախախտման չգնաց, ուր մնաց քաղաքային ընտրության դեպքում դա անի: Բայց այստեղ շատ ավելի կարևոր նրբություն կա, արդյո՞ք ընտրությունների կեղծման մասին թեզ տարածողները բացառում են ժամանակին ընտրությունները ակնհայտ կեղծող գործիչների կողմից բացահայտ սատարվող ուժերի հետ համագործակցությունը, թե՝ ոչ, նրանք պետք է շատ ուղիղ պատասխանեն այս հարցին:
2018 թվականից հետո այն քաղաքական ուժը, որը կգնա ընտրությունների կեղծման կամ ընտրակաշառքի բաժանման ճանապարհով շատ կարճ ժամանակ անց, կգրանցի իր քաղաքական վախճանը»: