Հայաստանի հավաքական վերադարձած ամերիկյան «Չիկագո Ֆայրի» հարձակվող Յուրա Մովսիսյանը Երևանում հանդիպել է ՀՖՖ նորընտիր նախագահ` ԱԱԾ տնօրեն Արթուր Վանեցյանի հետ:
«Հայաստանում ամեն ինչն ես կարոտում, այդպիսի բան չկա, որ կարոտած չլինեմ:
Ինձ համար շատ դժվար է եղել հանդիպումները դիտելը: Գիտեմ բոլոր ֆուտբոլիստների ապրումները, գիտեմ՝ ինչքան դժվար է եղել:
Ֆուտբոլիստների համար ամենակարեւորը երկրպագուների աջակցությունն է: Այդ երազանքով եմ եկել, որ նորից մեր երկրպագուներին կտեսնենք ստադիոնում»,- ասել է Մովսիսյանը:
Հիշեցնենք, որ հոկտեմբերի 9-ին՝ ՀՖՖ տեխնիկական կենտրոնում՝ Ֆուտբոլի ակադեմիայում, սկսվելու է նախապատրաստական հավաքը, որին մասնակցելու համար Հայաստանի հավաքականի նոր գլխավոր մարզիչ Արմեն Գյուլբուդաղյանցը հրավիրել է 25 ֆուտբոլիստների. նրանց մեջ ուշագրավ է հատկապես Յուրա Մովսիսյանի անունը:
Յուրա Մովսիսյանը Հայաստանի հավաքականի կազմում անցկացրել է 35 հանդիպում եւ դարձել 10 գոլի հեղինակ
