Վարդան Պետրոսյանի գործով շատ մի կարևոր փաստ: Փորձագետի հարցաքննության ժամանակ, վերջինս հայտնեց, որ չի կարող ասել, թե ինչպես է BMW մակնիշի ավտոմեքենայի հեռավար լամպն անվնաս վիճակում հայտնվել է կոտրված լուսարձակի վրա: Նման բան կարող է լինել, միայն եթե ինչ-որ անձ մինչև փորձագետների զննումը ավտոմեքենայի հանել է լամպը և «քցել է» կոտրված լուսարձակի վրա: Սակայն հաշվի առնելով փորձաքննության արդյունքներն, այդ լամպը նախ տեղադրվել է մի այլ ավտոմեքենայի վրա, այնուհետև վառել են այդ ավտոմեքենայի հեռավոր լույսերը, որից հետո նոր միայն լամպը այլ ավտոմեքենայի վրայից հանել և դրել են Վարդան Պետրոսյանի ավտոմեքենայի կոտրված լուսարձակի վրա: