«Փոխհատուցման հարցն այսպիսին է` ովքեր որ ստացել են, պատասխան են տալու: Որովհետև այս գյուղը, որ այսօր կա, իմ 3 եղբայրների արյան շնորհիվ է: Մենք 4 եղբայր ենք, միայն ես եմ մնացել, մյուսները զոհվել են, ու նրանց արյունն է, որ այսօր փոխհատուցում են: Այսօր գնում են, նրանց հիշատակի հուշարձանի մոտ փոխհատուցում են վերցնում, ավտոներ են առնում, ըտենց չի լինի: Ես դա շատ ծանր եմ տանում»,- լրագրող Անի Գևորգյանի հետ զրույցում նշեց Կիրանցի բնակիչներից մեկն, ով 90-ականների հայ-ադրբեջանական պատերազմում կորցրել է 3 եղբայրներին:

Նրա որդեկորույս մայրն էլ հավելեց. «Էսօր կամ, էգուց չկամ, ես ի՞նչ ասեմ: Ոչ մի անգամ իմ տղերքի արյունը չգնահատեցին: Այս մի փոքր գյուղի համար էնքան տղա զոհվեց, ոչ մեկի արյունը չգնահատեցին: Թուրքն էլ մնում ա թուրք, մենք ո՞նց կարանք նրան վստահենք»:

Լրագրող Անի Գևորգյանն այցելել է Կիրանց, խոսել տեղի բնակիչների հետ, ծանոթացել տիրող իրավիճակին: Նրա դիտարկմանը` ՔՊ-ականները գալիս են այստեղ, հպարտություն են զգում, Կիրանցի բնակիչն արձագանքեց` նրանք գալիս, ոչ մի գյուղացու հետ չեն շփվում:

Փշալարը կամ պատը կիրանցցիներն անվտանգություն չեն համարում` «շատ ահավոր վիճակում ենք»:

Բնակիչները պատմեցին նաև, որ դեռ մի բան էլ ադրբեջանցիներն են վիճում, թե այս մի մետրը մեր տարածքի վրա եք կառուցում, կամուրջը մեր հողերի մեջ եք սարքել:

Ավելի` տեսանյութում: