Ասում են, թե Հայաստանում քաղաքականությունն արմատներ է ձգել ամեն տեղ, անգամ մշակութային ոլորտներում: Քաղաքական խաղեր են տալիս նույնիսկ առաջին հայացքից ապաքաղաքական թվացող մշակութային գործիչները:
Հայաստանի պետական ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյանի աշխատանքից ազատման մասին վերջին շրջանում շրջանառվող լուրերը նաև հենց այդ համատեքստում են, և դրանք դատարկ տեղը չեն առաջացել: Հավանաբար երաժիշտը որոշել է չբավարարվել իշխանական իր ազդեցիկ տանիքներով և իր համար նաև այլընտրանքային հովանավորներ ու տանիքներ է փնտրել ու գտել: Մասնավորապես, վերջին տարիներին ֆինանսավորում է ստացել «Գագիկ Ծառուկյան» հիմնադրամից:
Թոփչյանի այս խաղերը, այն էլ նախընտրական շրջանում, բնականաբար, դուր չեն եկել նրա հովանավորներին: Վերջերս հեռուստահարցազրույցներից մեկում իրեն Կոմիտասի հետ համեմատող երիտասարդ այս դիրիժորը, ինչպես ասում են, հավատարմության թեստը չի անցել և հայտնվել է ոչ հաճելի դրության մեջ:
Այս մասին գրում է irates.am-ը:
