Երկու զուգահեռ իրականություն և այդ իրականության խեղաթյուրում:
Ի հեճուկս երեկ Լոռու մարզում տեղի ունեցած աղետին և դրա հետևանքով 4 զոհերին` այսօր իշխանամերձ շրջանակները (մասնավորապես` Աննա Հակոբյանի օգնական Ստելլա Սարուխանյանը) կազմակերպել էին սև ու սպիտակ «փարթի»` Նիկոլ Փաշինյանի կնոջ` Աննա Հակոբյանի և Ալեն Սիմոնյանի մոր մասնակցությամբ:
Մինչդեռ այդ միջոցառման մասնակիցներից ոմանք երեկ մեղադրում էին Բագրատ Սրբազանին ու Սրբազան շարժման մասնակիցներին` հավաքը չչեղարկելու համար:
***
Սրբազան պայքար ՏԳ ալիքը գրում է. «Օր ու գիշեր Սրբազան պայքարի մասնակիցներին բարոյականություն քարոզելով, թե՝ ինչպե՞ս եք երթերի ընթացքում երաժշտություն միացնում, երբ ջրհեղեղի հետևանքով զոհեր ունենք, ՔՊ-ականներն իրենք են խրախճանք կազմակերպում, որին մասնակցում է նաև Փաշինյանի կինը՝ Աննա Հակոբյանը։
Այն էլ ինչ խորագրով՝ «Սև ու սպիտակ»։ Խրախճանքը տեղի է ունեցել այսօր ժամը 14։00-ին՝ Երևանի Տիչինայի փողոցում գտնվող սրահներից մեկում։
Թեև ՔՊ-ականներն ամեն ինչ արել են, որպեսզի այս խրախճանքի մասին տեղեկություն չտարածվի, դրա մասնակիցներին ստիպելով ջնջել իրենց սոցիալական էջերից քեֆ-ուրախության կադրերը, այնուամենայնիվ դա նրանց չի հաջողվել։
Ներկայացվող տեսանյութում հերթական անգամ լիուլի բացահայտվում է իշխանությունների իրական դեմքը»։
