Հարցազրույց երիտասարդ երգիչ Նորայր Մելքոնյանի հետ, որի վերջին տեսահոլովակը դրական արձագանքներ ունեցավ. «Վայ-վայ» տեսահոլովակը թվով երրորդն է` «Չեմ հավատում»-ից և «Հավատայիր»-ից հետո:
-Վերջերս թողարկեցիր «Վայ-վայ» երգը համանուն տեսահոլովակով, սահուն անցում կատարեցիր դեպի պարայինը, ո՞րն էր նպատակը և արդյո՞ք այն արդարացրեց քո սպասումները: -Մոտենում է իմ շատ սիրելի ամառը, որոշեցի երգել մի երգ, որը կլինի պարային, տաք ստեղծագործություն, ինչպես ամառը: Երգս բավականին սիրվել է հանրության շրջանում, քանի որ բազում լավ արձագանքներ եմ լսել, բացի դրանից հաճախ դրսում քայլելիս լսում եմ իմ երգը տարբեր տեղերից: Դա փաստում է նաև սոցիալական կայքերում երգիս դիտողականությունը:
- Արդյո՞ք «Վայ-վայ»-ը կոմերցիոն նպատակ չի հետապնդում:
-Ոչ մի հատուկ նպատակ չենք ունեցել երգը կոմերցիոն դարձնելու, ուղղակի, երբ մարդիկ սիրում են ու գնահատում, այդ ժամանակ ստեղծագործությունը ինքնին դառնում է կոմերցիոն:
-Գործունեությանդ ընթացքում ու՞մ հետ ես համագործակցում:
-Ուրախությամբ նշեմ, որ իմ պրոդյուսերները ներկայումս հանդիսանում են իմ լավ ընկերներ, տաղանդավոր երաժիշտներ Կարենն ու Սևակը: Պետք է նշեմ, որ աշխատել եմ մի շաչք տաղանդավոր մարդկանց հետ ինչպիսիք են` Արեն Բայադյանը, Մարտին Միրզոյանը, Արայիկ Գաբաջյանը, Արմեն Գալյանը, Ռիչարդ Մադլենյանը:
-Նորայր Մելքոնյան երգիչը վերջին շրջանում ասոցացվում էր հանգիստ և ռոմանտիկ կերպարի հետ, իրականում դու ինչպիսի՞ն ես:
-Ընդհանրպես առօրյա կյանքում այդքան ել հանգիստ չեմ , բայց հիմնականում` ինչպես տեսահոլովակներում կամ այդպիսին եմ:
-Ու՞մ հետ կցանկանայիր զուգերգ կատարել:
-Չեմ շտապում պատասխանել այս հարցին , քանի որ դեռ նման նպատակ չունեմ:
-Ի՞նչ սպասել Նորայր Մելքոնյանից:
-Սպասեք նոր երգերի ու տեսահոլովակների, սիրով իմ հանդիսատեսի համար:
