Վերջերս Հայաստանում մեկնարկեց The voice նախագիծը, որը հասցրեց սիրվել կարճ ժամանակահատվածում: Սակայն քննադատություններն էլ քիչ չեն: Դժգոհությունները հիմնականում վերաբերում են ժյուրիի կազմին: Ոմանք նշում են, որ ժյուրիի կազմում համարժեք անդամներ չեն:
Այս մասին գրում է mamul.am-ն ու նշում, որ թիրախում հայտնվել է Սոֆի Մխեյանը: Շատերին զայրացնում է, որ այս նախագծում փորձված մարզիչների կողքին ներառել են նաև Սոֆիին:
Խոսակցությունների համաձայն` շատերը ստիպված են ընդգրկվել երգչուհու թիմում, քանի որ իրենց ելույթի ընթացքում շրջվել է միայն Սոֆին:
Ոմանք էլ հույս են հայտնել, որ նման խոսակցություններից հետո The voice նախագծի կազմակերպիչները փոփոխություն կմտցնեն ժյուրիի կազմում:
Սակայն բազմաթիվ օգտատերեր` քննարկելով այս հարցը, որակել են այն հայկական մտածելակերպի հերթական արգասիք:
-Միևնույնն է` մի բան պիտի գտնեին քննադատելու,- հնչում են կարծիքներում:
