Իսպանիայի պրոֆեսիոնալ ֆուտբոլային լիգան (LFP) կքննարկի կատալոնական  «Բարսելոնայի» եւ Մադրիդի «Ռեալի» միջեւ Պրիմերայի 28-րդ տուրի խաղում տեղի ունեցած դրվագը, որում Արքայական ակումբի առաջատար Կրիշտիանու Ռոնալդուն աչքի էր ընկել անհարգալից ժեստով: Չի բացառվում, որ այդ ժեստը հասցեագրված էր հանդիպման գլխավոր մրցավար Մատեու Լաոսին, ով պորտուգալացի հարձակվողին դեղին քարտ է ցույց տվել սիմուլյացիայի համար: Եթե Ռոնալդուն մեղավոր ճանաչվի, ապա նրա նկատմամբ կկիրառվեն պատժամիջոցներ, գրում է diariogol.com-ը:

Հիշեցնենք, որ «Էլ Կլասիկոյում» կատալոնական ակումբը տնային հաղթանակ տարավ 2:1 հաշվով եւ արդեն 4 միավոր է գերազանցում երկրորդ տեղում գտնվող «Ռեալին»: