Թարմացում․ Դավթաշենի Սասնա Ծռեր փողոցի շենքերից մեկի բակում երեկ 16-ամյա աղջկա դի էր հայտնաբերվել։ Պարզվում է՝ աղջիկն ինքնասպանություն է գործել։
ՀՀ քննչական կոմիտեից Asekose.am-ին հայտնեցին, որ դեպքի առթիվ նախաձեռնվել է քրեական վարույթ ինքնասպանության հասցնելու հոդվածի հատկանիշներով։
«Նշանակվել է դիակի դատաբժշկական փորձաքննություն»,- հավելեցին ՔԿ-ից։
Հիշեցնենք՝ դեպքը տեղի էր ունեցել 21։40-ի սահմաններում։ 16-ամյա աղջիկն իրեն ցած է նետել 6-րդ հարկից։
***
|
Այսօր՝ հուլիսի 14-ին, ողբերգական դեպք է տեղի ունեցել Երևանում. Հայտնում է ֆոտոլրագրող Գագիկ Շամշյանը: Ժամը 21։40-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Դավթաշենի բաժնում օպերատիվ տեղեկություն է ստացվել, որ Սասնա Ծռեր փողոցի շենքերից մեկի բակում դի կա։ Տեղում պարզվել է, որ մահացածը Երևանի բնակիչ 16-ամյա աղջիկ է, ով ըստ նախնական տեղեկությունների 6-րդ հարկից անզգուշաբար վայր է ընկել։ |
