Asekose.am-ի տեղեկություններով, Հարություն Հարությունյանը, որ վերջերս ազատվեց Հանրային հեռուստաընկերության լրատվական քաղաքական հաղորդումների տնօրենի պաշտոնից, նշանակվել է Հայաստանի Հանրապետական Կուսակցությանը փաստացի պատկանող «Արարատ» հեռուստաընկերության տնօրեն:
Հիշեցնենք, որ ըստ համացանցում տարածված լուրերի, ՀՀ երկրորդ նախագահի «միլիարդներով մեդիառեսուրսներ են գնվում, ինձ հասած տեղեկություններով արդեն երեք հեռուստաընկերություն է սեփականել, մի քանի հայտնի կայքեր և ռադիոկայաններ, առանձին լրագրողների խոստացվել են աստղաբաշխական փողեր»:
Ըստ ասեկոսեների, «Արարատ» հեռուստաընկերությունը Ռոբերտ Քոչարյանի հովանավորության ու սեփականության տակ անցնող լրատվականներից է:
Ըստ տեղեկությունների, «Արարատ» հեռուստաընկերության աշխատակազմը, որին արդեն անհանգստացրել են տեղեկությունները, թե բանակցություններ են ընթանում այն վաճառելու վերաբերյալ, այժմ անհանգստացած է նոր ղեկավարների նշանակմամբ:
Նաև նշվում է, որ Հարություն Հարությունյանը «Արարատ» հեռուստաընկերություն աշխատանքի է հրավիրելու նաև իր հետ Հանրայինից հեռացած Արտակ Հերիքյանին: