▲ Դեպի վեր

lang.iso lang.iso lang.iso

Քաղաքացին հայտնել է, որ Երևանում 2 ադրբեջանցի հարձակվել են իր վրա ու ծեծի ենթարկել

Մայիսի 15-ին արտակարգ դեպք է տեղի ունեցել Երևանում։ Ժամը 20։50-ի սահմաններում ՀՀ Ներքին գործերի նախարարության ոստիկանության օպերատիվ կառավարման կենտրոնից ոստիկանության Արաբկիրի բաժին հաղորդում է ստացվել, որ իրենց է զանգահարել անհայտ քաղաքացի և հայտնել, որ Սունդուկյան փողոցի 25 հասցեում երկու ադրբեջանցի հարձակվել են իր վրա:

Ինչպես հայտնում է ֆոտոլրագրող Գագիկ Շամշյանը, րոպեներ անց կրկին անհայտ քաղաքացին զանգահարել է և հայտնել, որ նշված հասցեում անհայտ անձինք ծեծի են ենթարկում քաղաքացուն և մեղադրում թմրանյութեր տարածելու մեջ: 

Օպերատիվորեն նշված հասցե է մեկնել ոստիկանության Արաբկիրի բաժնի օպերատիվ խումբը՝ օրվա պատասխանատու հերթապահի գլխավորությամբ։

Արդեն տեղում Երևանի բնակիչ 26-ամյա Արման Ա․-ն ոստիկաններին հայտնել է, որ նույն օրը ժամը 20։45-ի սահմաններում աշխատանքի բերումով գտնվել է Սունդուկյան փողոցի 25 հասցեի ավտոտնակների մոտ, որտեղ ինքն իրեն լուսանկարել է և մոտեցել նույն շենքի շքամուտքին, որտեղ իրեն են մոտեցել երկու անհայտ անձինք քաշքշել իրեն, գցել գետնին, որի ժամանակ ձեռքից վայր են ընկել փաստաթղթերը և դրամապանակը, ձեռքերով և ոտքերով հարվածել են իրեն`պատճառելով ֆիզիկական ցավ և պահանջել, որ ցույց տա իր հեռախոսի լուսանկարները, որից հետո, երբ զանգահարել է ոստիկանություն նշված անձինք հեռացել են, իսկ նրանց հեռանալուց հետո փնտրել է, սակայն դրամապանակը չի գտել:

Ոստիկանությունը ձեռնարկում է միջոցառումներ անհայտ անձանց ինքնությունները պարզելու և հայտնաբերելու ուղղությամբ:

Դեպքի փաստով ոստիկանության Արաբկիրի բաժնում կազմվել են փաստաթղթեր, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Արաբկիրի քննչական բաժին։

Գ․ Շամշյանի տեղեկություններով՝ Արման Ա․-ն աշխատում է Հայաստանում հայտնի ՍՊԸ-ներից մեկում, որպես վաճառքի մասնագետ։
 

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին