Asekose.am-ի տեղեկություններով, Պետեկամուտների կոմիտեում կադրային լուրջ փոփոխություններ են սպասվում: ՊԵԿ նախագահ Դավիթ Անանյանը կոմիտեի մաքսային բլոկի ղեկավարներից ազատման դիմումներ է պահանջել. մոտ 12 հոգանոց ցուցակը գլխավորում է մաքսային բլոկը համակարգող, ՊԵԿ նախագահի տեղակալ Արա Գաբրիելյանը, ցուցակում ներառված են նաև մաքսատան պետեր, մաքսանենգության դեմ պայքարի տարածքային ստորաբաժանումների ղեկավարներ և այլոք:
Ըստ ասեկոսեների, Դավիթ Անանյանը խիստ դժգոհ է մաքսային ոլորտի ղեկավարների աշխատանքից: Բացի այդ, նրանց համակարգից դուրս բերելու պատճառ կարող են հանդիսանալ համացանցում շրջանառվող հանրային դժգոհությունները ՊԵԿ-ի կադրային քաղաքականությունից, ինչպես նաև մամուլի հրապարակումները: