Այսօր կառավարության նիստում վարչապետ Նիկոլ Փաշինյանը ՀՀ ոստիկանապետ Վալերի Օսիպյանից հետաքրքրվեց, թե օդանավակայանում ինչպիսի պայմաններ են ապահոված այն երիտասարդների համար, որոնք բանակից խուսափել են եւ գտնվում են արտերկրում: Նիկոլ Փաշինյանն ասաց, որ ուղերձ էր հղել այդ երիտասարդներին վերադառնան եւ ծառայեն: Թե քանի մարդ է արձագանքել իր կոչին կերևա զորակոչի օրերին:
Ոստիկանապետն ասաց, որ նրանց նկատմամբ հետախուզում հայտարարված, ուստի պետք է տեղում նրանց նկատմամբ որոշակի գործողություններ կատարեն:
Նիկոլ Փաշինյանը հորդորեց օդանավակայանում պատշաճ պայմաններ ապահովել, որպեսզի ծառայելու եկած երիտասարդների համար ավելորդ խնդիրներ չստեղծեն. «Մարդը եկավ, արձանագրվեց, որ հետախուզման մեջ է, ինքը պարտավորություն է ստորագրում, որ այսինչ ժամանակ կներկայանա»:
Հակառակ դեպքում, ըստ վարչապետի, օրենքով սահմանված կարգով նրա նկատմամբ կկիրառվի պատիժը: Դիմելով պաշտպանության նախարար Դավիթ Տոնոյանին, վարչապետը հարցրեց. «Պարոն Տոնոյան, մարդիկ կան, որ այս ընթացքում բարձր մասնագիտական կրթություն ե ստացել արտերկրում, այդպիսի մասնագետները կարո՞ղ են ներգրավվել ռազմարդյունաբերական ոլորտում»:
Ի պատասխան, Դավիթ Տոնոյանն ասաց՝ այո: Նիկոլ Փաշինյանն էլ նկատեց՝ կարող են հանգիստ վերադառնալ եւ այդ գիտելիքները կծառայեցվեն զինված ուժերի զարգացմանը:
Կարդացեք նաև` «Իմ որդին նույնպես պետք է մեկնի բանակ». Նիկոլ Փաշինյանի կոչը արտերկրում գտնվող և «բանակից ազատված» զորակոչիկներին
Կարդացեք նաև`Չեմ ծառայել շինծու հիվանդության պատճառով, ուզում եմ լրացնել այդ բացը. գյումրեցի տղայի արձագանքը՝ Փաշինյանի կոչին
Մի ձմեռվա ընթացքում մենք քանդված ճանապարհ չպետք է ունենանք․ Փաշինյանի հանձնարարականը