Լրագրող Նարինե Կիրակոսյանի ֆեյսբուքյան գրառումը․ «Ո՞վ և ո՞ր ժամանակահատվածում է պատասխան տալու Հայաստանի բնությունը ապականող «ճանապարհաշինություն»-«շինարարություն»-ների համար։
Այն, ինչ կատարվում է Հայաստանում, կեղծ շինարարական, նաև ճանապարհաշինական բում կազմակերպածների կողմից դիտավորյալ է արվում, որ Հայաստանը անմարդաբնակ, կամ ավելի շուտ անհայաբնակ սարքեն։ Դա ակնհայտ երևացող նպատակ է, այլապես այսքան ծառ չէր կտրվի, այսքան շենքեր Երևանում և այլ մի քանի քաղաքներում չէր կառուցվի, Հայաստանը համատարած քարի և օգտակար հանածոների հանք չէր դարձվի։
Այլապես կզարգանար գյուղատնտեսությունը, տնտեսության այլ ոլորտներ, քաղաքները կբեռնաթափվեին, այլ ոչ թե գյուղերը կդատարկվեին։
Ոչ մի գովեստի, կամ ուրախանալու պահ այս շինարարություններից չակնկալեք, քանի որ այս շինարարությունները արվում են անգրագետ, հողի նստեցման, սողանքային, եղանակային, բարձր գոտիականությունը թերի ընկալելով։ Եթե ես սխալ բան եմ ասում, թող բոլոր նախնական ուսումնասիրությունները ցուցադրեն բաց, հանրային հարթակում, այդ թվում՝ ՇՄԱԳ-ը ներկայացնեն»։