«Միամիտ աչքովս ընկավ, աննկարագրելի զգացողություն ունեցա այս կադրերը դիտելիս, բոլոր զգացմունքներս խառնվեցին իրար...
Ուղիղ 11 տարի առաջ, 2007 թվականի գարնանը ծանոթացա Նիկոլի հետ. Ազատության հրապարակում բարձրախոսով հանրահավաք էր անում, Այլընտրանքի հանրահավաքն էր: Հանրահավաքը չէին արտոնել, տեխնիկա չէին թուլատրել միացնել, փոխարենը՝ երեխաների պարախումբ էր ելույթ ունենում բեմում: Հրապարակում մոտ 100 մարդ կար, կեսը՝ ԱԱԾ-ից:
Հայաստանից հեռու գտնվելով այս կադրերը նայելը լրիվ ուրիշ զգացողություններ է առաջացնում:
Նրան հնարավոր չեղավ կանգնեցնել, մեզ հնարավոր չեղավ կանգնեցնել, Հայաստանի Հանրապետության հպարտ քաղաքացուն հնարավոր չեղավ կանգնեցնել... »,-գրել է ՀՀ տրանսպորտի, կապի և տեղեկատվական տեխնոլոգիաների նախարարի առաջին տեղակալ Հակոբ Արշակյանը ֆեյսբուքյան իր էջում՝ տարածելով արխիվային տեսանյութ՝ Նիկոլ Փաշինյանի մասնակցությամբ:
