Օրերս երգչուհի Էմմին ֆեյսբուքյան իր էջում հայտարարել էր մրցույթ, ըստ որի` ով առաջինը ճիշտ կնշեր, թե իր վերջին` «Սիրելով հեռանում եմ» տեսահոլովակում քանի տեսարան է նկարահանվել, անձամբ երգչուհու կողմից կստանա մրցանակ:
«Ուշադրություն... Հայտարարում եմ մրցույթ, որը կտևի 2 օր: Այն կավարտվի հուլիսի 19-ին, ժամր 23:55 ... Եվ այսպես, նշեք, թե քանի տեսարան է նկարահանվել «Սիրելով հեռանում եմ» տեսահոլովակում: Հաղթողին (առաջինը ճիշտ պատասխանը գրողին) սպասվում է հետաքրքիր անակնկալ»:
Այս առիթով Asekose.am-ի թղթակիցը կապվեց երգչուհու մենեջերի` Աղավնի Մանուկյանի հետ` (Էմմին այս պահին գտնվում է ԱՄՆ-ում) պարզելու մրցույթի գաղափարի նպատակը, թե ինչ տեսակ մրցանակ է սպասվում հաղթողին և այլ մանրամասներ:
Asekose.am-ի թղթակցի հետ զրույցում Աղավնի Մանուկյանը նշեց, որ մրցույթի գաղափարը պատկանում է իրեն, այլ ոչ թե` Էմմիին:
«Քանի որ արդեն մեկ տարի է, ինչ մենք ոչ մի մրցույթ չէինք կազմակերպել, որոշեցինք անել մի բան, որը թույլ կտա Էմմիի երկրպագուներին շփվել իր հետ: Մրցույթի հիմնական նպատակը դա է, ուրիշ ոչինչ չի հետապնդում»,- նշեց Էմմիի մենեջերը:
Իսկ թե ի ՞նչ տեսակ մրցանակ է սպասվում հաղթողին և արդյոք նա մեկն է լինելու, Աղավնին պատասխանեց.
«Մրցույթի հայտարարման պահից ես հետևել եմ, թե ով է առաջին մասնակիցը, ով ճիշտ է պատասխանել, և քանի որ այս երկու օրերի ընթացքում ճիշտ պատասխանողների թիվը հասել է 10-ի, մենք որոշում կայացրեցինք, որ հաղթող կճանաչվեն երկու մասնակից: Իսկ ինչ վերաբերում է մրցանակին, ապա այն առաջին հերթին լինելու է հանդիպում Էմմիի հետ, իսկ հետո արդեն` ձայնասկավառաներ, DVD-եր, ամսագրեր և այլն»:
Իսկ այն հարցին, թե արդյո՞ք հնարավոր է, որ Էմմիին ինչ-որ մի չափով որգևորել է նաև Լիլիթ Հովհաննիսյանի` վերջերս հայտարարած մրցույթը, երգչուհու մենեջերը նշեց, որ իրենք անգամ տեղյակ էլ չեն, թե ինչի մասնի է խոսքը, և թե երբ է Լիլիթ Հովհաննիսյանը մրցույթ կազմակերպել:
Տեղեկացնենք նաև, որ Էմմին, իր սովորության համաձայն, չի դադարում փոփոխությունների ենթարկել իր արտաքին տեսքը: Այս պահին գտնվելով ԱՄՆ-ում` երգչուհին ֆեյսբուքյան իր էջում նոր լուսանկարներ է տեղադրել` մակագրելով.
«Ես այնտեղ գնացի կարճ մազերով, իսկ դուրս եկա երկար և գանգուր մազերով»:
Դատելով մեկնաբանություններից` նշենք, որ երգչուհու երկրպագուներին կարծես թե բավական դուր է եկել այս փոփոխությունը, քանի որ նրանք բավական դրական են արտահայտվել երգչուհու ֆեյսբուքյան էջում:
Հեղինակ` Սաթենիկ Խաչատրյան
