Քաղաքացիների ահազանգով Երևանի ավագանու «Մայր Հայաստան» խմբակցության անդամներով այցելել էինք Նոր Նորք վարչական շրջան։ Տեղում արձանագրեցինք, որ Նելսոն Ստեփանյան փողոցում ասֆալտապատումն իրականացվել է փնթի, ճանապարհն իբրև թե մեծացրել են, բայց թողել կիսատ, առանց ջրատար համակարգի, անձրևաջրերն էլ ավելի են քանդում առանց այդ էլ քանդված փողոցը։ Զավեշտալին այն է, որ փողոցի երկայնքով անգամ լոլիկ է աճել։ Առկա են նաև հսկայական փոսեր, իսկ դիտահորը ճանապարհից բարձր է տեղադրված։

Բնակիչների խոսքով՝ արդեն 3 ամիս այս բարձիթողի վիճակն է։

Սա քաղաքային բյուջեի միջոցների մսխման հերթական օրինակն է։

Երևանի ավագանու «Մայր Հայաստան» խմբակցության անդամ Արմեն Քոչարյանի ֆեյսբուքյան էջից