Պարզվում է, որ Նազենի Հովհաննիսյանը հայ հայտնիներից միակը չէ, ով տրիցիկլով է շրջում Երևանում:
Արագությունն ու քամին վայելում է նաև հումորիստ Հայկոն:
Այս մասին գրում է esyes.am-ը. կայքի լրագրողի տեսախցիկը օրերս Հայկ Մարությանին «բռնացրել» է իր սպիտակ տրիցիկլով:
Դերասանը պատմել է, որ արդեն 6 ամիս է, ինչ օգտվում է այդ փոխադրամիջոցից: Հայկոն մեքենա էլ ունի, իսկ տրիցիկլը վարում է կախված եղանակային պայմաններից:
Փոխադրամիջոցից օգտվելիս Հայկոն շատ է կարևորում անվտանգության կանոնների պահպանումը:
Հումորիստն առանց պաշտպանիչ գլխարկի չի համաձայնել նույնիսկ նկարվել:
Հիշեցնենք, որ Հայկոն վերջերս է վերադարձել ԱՄՆ-ից և արդեն շարունակում է նկարահանվել «Կարգին սերիալի» հինգերորդ եթերաշրջանում:
