Արգենտինական հայտնի Diario Popular պարբերականը նյութ է հրապարակել Թավշյա հեղափոխության ժամանակ հայտնի դարձած շան մասին, որին ակցիայի մասնակիցները տվել էին Քայլո անունը:
««Դուխով» գլխարկով այս շունը բաց չի թողել բողոքի և ոչ մի ակցիա, որը տեղի էր ունենում իր հայրենիքում` Հայաստանում: Նա նոււյնիսկ հայտնվել է Հանրապետության հրապարակում այն օրը, երբ Հայաստանի ազգային ժողովը վարչապետ էր ընտրում»,- գրված է հոդվածում:
Նշենք, որ Քայլոյի նկարը հայտնվել է պարբերականի «Ընտանի կենդանիներ» բաժնում, որտեղ ներկայացվում են պատմություններ այն կենդանիների մասին, որոնք իրենց անսովոր պատմությամբ գրավել են արգենտինացիների ուշադրությունը:
Հավելենք, որ Քայլոն (շան իրական անունը Չալո է) ակցիայի մասնակիցների հետ Գյումրիից հասել էր Երևան` անցնելով 200 կմ ճանապարհ: