footballcity.am: Արսենալ-Բորուսիա` 1:2
Հանդիպման հաշիվը 16-րդ րոպեին բացեց Հայաստանի ազգային հավաքականի ֆուտբոլիստ Հենրիխ Մխիթարյանը: Սա յուրօվի պատասխան էր Արսեն Վենգերի այն խոսքերին, որ ինքն այնքան էլ հիացած չէ Դորտմունդի Բորուսիայի այս ձեռքբերումով:
Սակայն 41-րդ րոպեին Արսենալի ֆուտբոլիստ Օլիվյե Ժիրուն կարողացավ պատասխան գնդակը խփել և հավասարեցնել հաշիվը: Թիմերը ընդմիջման գնացին 1:1 հաշվով` հանդիպման լուծումը թողնելով 2-րդ խաղակեսին:
Հանդիպման 66-րդ րոպեին Բորուսիայի միակ գոլի հեղինակ Հենրիխ Մխիթարյանը փոխարինվեց: Նրա փոխարեն խաղադաշտ մտավ Յոնաս Հոֆմանը:
Խաղի վերջնամասում` 82-րդ րոպեին Ռոբերտ Լևանդովսկին կարողացավ վերջապես վերականգնել իր թիմի առավելությունը և հաշիվը դարձնել` 2:1` հօգուտ Բորուսիայի:
Այսպիսով 3 խաղերից հետո F խմբում Արսենալը, Բորուսիան և Նապոլին ունեցան 6-ական միավոր:
