totalfootball.am-ը գրում է, որ գերմանական մամուլի և գերմանացի երկրպագուների մոտ մեծ արձագանք է առաջացրել երեկ կայացած մամուլի ասուլիսի ժամանակ Յոախիմ Լյովի արտահայտությունը Հայաստանի հավաքականի ֆուտբոլիստ Հենրիխ Մխիթարյանի անվան մասին:
Չկարողանալով արտասանել Մխիթարյան ազգանունը՝ Լյովն ասել էր Mickey-noch-was «Միքի... ինչ-որ բան»:
Սա վրդովեցրել է «Բորուսիայի» երկրպագուներին և դորտմունդյան ակումբը լուսաբանող թերթերին: Թվիթերում մոտ մեկ ժամ #Mickeynochwas թեման ամենաքննարկվողներից էր և նույնիսկ ստեղծվել էր @Mickeynochwas առանձին թվիթերյան էջը: 
Թվիթերյան գրառումներում երկրպագուները հիմնականում բողոքում են մարզչից «Բորուսիայի» ֆուտբոլիստի նկատմամբ նման վերաբերմունքի համար, սակայն կան նաև երկրպագուներ (հիմնականում «Բավարիայի»), ովքեր հիշեցնում են, որ երբ Կլոպն էր դժվարանում արտասանել Մխիթարյանի ազգանունը, դա զվարճալի էր համարվում, իսկ երբ Լյովը՝ վիրավորական:
Derwesten.de և Rivier Sport պարբերականներն առանձին նյութեր են հրապարակել այս թեմայով՝ ամոթալի համարելով Լյովի ասածը: 
Նյութը` սկզբնաղբյուր կայքում