Ազգային-ժողովրդավարական բևեռի խորհրդի անդամներ Ժիրայր Սեֆիլյանն ու Վարուժան Ավետիսյանը, վաղվա հանրահավաքին ընդառաջ, հանդես են եկել ասուլիսով։
Դիտարկմանը, թե ԱԺԲ-ի կողմից ժողովրդին համախմբելու գործընթացը նորմալ չի ընթանում, Ավետիսյանը նկատել է, որ պատերազմի հասցրած հարվածից ժողովրդի մեծ մասը շոկային վիճակում է։ «Երկրորդ պատճառը՝ մեր փակվածությունն է հիմնական լրատվամիջոցներից, ինչպես նաև մեր դեմ լայնածավաալ հակաքարոզը, որ իրականացնում են թե՛ նախկինները, թե՛ ներկաները, և թե՛ մյուսները՝ համակարգի թելադրանքով․․․ Իրենք հասկանում են, որ մենք մոտենում ենք այն կետին, որից հետո կսկսվի այնպիսի ծավալուն պրոցես, որ իրենք կնետվեն պատմության աղբանոցը»,- ասել է Ավետիսյանը։
