«Մենք ենք տերը մեր երկրի» վանկարկումներով շարունակվում է Ազատության հրապարակում մեկնարկած «Ընդդեմ պարտադիր կուտակային կենսաթոշակային համակարգի» քաղաքացիական նախաձեռնության հավաք-երթը:
«Մեր երկրի իշխանություները իրենց գործունեությամբ ուղղակի ստիպեցին մեզ դառնալ մեր երկրի պահանջատեր քաղաքացիներ և տեր կանգնել մեր ներկային և առավել ևս՝ ապագային: Մենք պայքարելու ենք, որովհետև ուզում ենք ապրել մի երկրում, որն իրապես մերը կլինի: Որտեղ ժողովրդի ձայնը լսելի կլինի: Իսկ ինչ ունենք այսօր: Ինչ են մեզ պատասխանում: Հնարավոր է, բայց ո՞չ: Մենք շատ ենք, դուք քի՞չ: Բայց ոչ, մենք ենք շատ, մենք ՀՀ պահանջատեր քաղաքացիներ ենք, դուք եք քիչ: Որովհետև մենք ենք տերը մեր երկրի»,- ասաց նախաձեռնության անդամներից մեկը:
Ինչպես արդեն տեղեկացրել ենք, հավաք-երթին միացել են ԱԺ 4 խմբակցությունները:
