Հակակոռուպցիոն կոմիտեի կողմից իրականացվող քրեական վարույթի շրջանակներում ձերբակալված Խաչատուր Աբովյանի անվան հայկական պետական մանկավարժական համալսարանի պրոռեկտորի գործով որոշակի մանրամասներ են հայտնի դարձել։
Այսօր․am-ն է գրում ու մանրամասնում․ «Մասնավորապես, մեր տեղեկություններով, Մանկավարժական համալսարանի պրոռեկտոր Մարիաննա Հարությունյանը ընդունել է մեղքը, ցուցմունք է տվել նաև բուհի ռեկտոր Սրբուհի Գևորգյանի դեմ։
Գործի նյութերով հաստատվել է, որ խարդախությամբ ստացված գումարով պրոռեկտոր Մարիաննա Հարությունյանը բնակարան է ձեռք բերել Մամիկոնյանց փողոցի նորակառույցներից մեկում, նաև 17 մլն դրամ արժողությամբ խոհանոցային կահույք ու տեխնիկա է ձեռք բերել։
Գործի դրվագներից մեկով անցնում են նաև, այսպես կոչված, «մեռյալ հոգիներ», մասնավորապես, ըստ մեր տեղեկությունների, խոսք է գնում մարդկանց մասին, որոնց հետ կնքվել են աշխատանքային պայմանագրեր, կատարվել են նշանակումներ, սակայն նրանք աշխատանքի չեն հաճախել։
Մեր տեղեկություններով, Մարիաննա Հարությունյանը պրոռեկտորի պաշտոնին է նշանակվել ՔՊ բարձրաստիճան պաշտոնյաներից մեկի միջնորդությամբ»։
