Դիտեք նաև՝
Life.Panorama.am-ը գրում է, որ իր այսօրվա զրուցակիցը երգչուհի Լիլուն է, ով լինելով անմիջական ու շփվող անձնավորություն՝ միշտ մնում է բամբասանքների ու խոսակցությունների ԷՊԻԿԵՆՏՐՈՆՈՒՄ… Բայց նա արդեն սովորել է այդ վիճակին և փորձում է կյանքին նայել այլ տեսանկյունից…
-Այժմ ինչո՞վ եք զբաղված:
-Աշխատում եմ նոր երգերի վրա, նոր տեսահոլովակ պետք է նկարահանեմ: Կոչվում է «Մի րոպե հետո»… Շուտով կհանձնեմ հեռուստադիտողի ուշադրությանը: Նաև պատրաստվում եմ մեկնել Եվրոպա՝ հյուրախաղերի…
-Իսկ նկարահանումները «Երե 1»-ում շարունակվո՞ւմ են:
-Այո, իհարկե: Հիմա եթերաշրջանը ավարտվել է, նորը կսկսվի հավանաբար մարտ-ապրիլ ամիսներին:
-Հեռուստատեսային այլ առաջարկներ չունե՞ք: Օրինակ՝ աշխատել հաղորդավար, դա այսօր արդիական է չէ՞:
-Ոչ-ոչ, ես չեմ ուզում նման բաներով զբաղվել: Կարծում եմ՝ ամեն մարդ իր գործով պետք է զբաղվի…
-Բայց «Երե 1»-ում հանդես գալը նույնպես ձեր մասնագիտության հետ կապ չունի…
-Այնքան էլ տարբեր չի իմ մասնագիտությունից… Բեմի վրա բոլորն էլ արտիստ են, խաղում են, «աշխատում» հանդիսատեսի հետ՝ լինի երգիչ, թե դերասան…
-Լիլու, բնավորությամբ հանդա՞րտ եք, թե՞…
-Այնքան ժամանակ եմ հանդարտ, մինչև ինձ հունից չեն հանում…
-Բայց ասում են՝ շատ շուտ եք բորբոքվում:
-Չէ, շուտ չեմ բորբոքվում: Թեև խառնվածքով մի քիչ անհանգիստ եմ, բայց արդեն որքան ժամանակ է՝ ինձ սովորեցրել եմ, որ այդպես չպետք է լինի: Ինձ վրա աշխատելով՝ որոշել եմ շուտ չբռնկվել, չնյարդայնանալ, քանի որ դա վնաս է իմ առողջությանը…
-Բայց դուք այնպիսի մասնագիտություն եք ընտրել, որ ուզեք-չուզեք, պարբերաբար ստի հետ առնչվելու եք՝ բամբասանքներ, ասեկոսեներ… Խոսակցություններ, որոնք ոչ միշտ են իրականությանը համապատասխանում…
-Այդ բամբասանքներին ես վաղուց ականջ չեմ դնում, ինձ համար միևնուն է… Եթե մի երևույթի անուն բամբասանք է, լուրջ չեմ վերաբերում: Կայացած մարդիկ երբեք չեն բամբասի… Անձամբ ես չեմ բամբասում, չեմ էլ սիրում բամբասողներին…
-Փորձենք մեկ-երկու խոսակցությունների հենց հիմա վերջ դնել, կամ, գուցե, հաստատել, չգիտեմ… Օրինակ, հաճախ են խոսում, որ դուք բազմաթիվ վիրահատություններ եք տարել…
-Բազմաթի՞վ… Չի համապատասխանում իրականությանը: Վիրահատություններ եղել են, բայց ոչ բազմաթիվ…
-Իսկ այն, որ շքեղ առանձնատուն եք նվեր ստացել ձեր հարուստ երկրպագուից, ավելի ճիշտ՝ սիրեկանից…
-Ոչ հիմնավոր ու սուտ խոսակցություններ են, նման բան չկա:
-Իսկ մարդիկ ինչո՞ւ են սիրում այդ մասին խոսել, որտեղի՞ց են հորինում:
-Ուղղակի պատկերացնում են, որ լինելով միայնակ երգչուհի, նկատելի կին՝ հնարավոր է, որ ունենամ հարուստ սիրեկան, որն էլ ինձ կնվիրի առանձնատուն…Ես այդպիսի բաների վրա բարձր ծիծաղել կարող եմ միայն…
-Հիասթափություններ միշտ էլ մարդիկ ունենում են… Ինչպե՞ս եք կարողանում հաղթահարել նման հոգեվիճակները:
-Շատ հեշտ. փակում եմ այդ էջն ու անցնում առաջ…
-Ընկերների, փարթիների օգնությա՞մբ…
-Ոչ, ինքս իմ մեջ: Երբեք չեմ փորձում հուսահատությունս խեղդել փարթիների կամ այլ բաների մեջ… Մտածում ու հասկանում եմ, որ սա կյանք է ու ամեն ինչ էլ մարդու համար է… Ամեն բան անցողիկ է…
-Ո՞րն է ձեր ամենամեծ հիասթափությունը:
-Այս պահին չեմ հիշի…Թեև մեծ հիասթափություն չեմ էլ ունեցել: Եղել են դեպքեր, որ դիմացինից նման քայլ չեմ սպասել…Բայց արդեն տեղ չեմ տալիս այնպիսի բաների, որոնք կարող են ինձ վնասել…
-Հիմա չկա՞ այն մեկը, ում պատկերացնում եք ձեր կողքին:
-Ոչ, անձնական կյանքում ամեն ինչ լուռ է… Ես չեմ փորձում պատկերացնել իմ ապագա սիրած տղամարդուն: Կյանքն անկանխատեսելի է, կարող ես ուրիշ բան պատկերացնել, բայց բոլորովին այլ բանի հանդիպել… Մենք միշտ էլ փորձում ենք մեր պատկերացումները իդեալականին մոտեցնել, բայց ոչ-ոք իդեալական չի, մենք նույնպես…Փառք Աստծո, երբ հայտնվի, կարծում եմ բոլորը տեղյակ կլինեն նրա մասին…
Առավել մանրամասն` սկզբնաղբյուր կայքում
