Օլգա Բուզովայի նախկին սիրելին՝ բլոգեր և ռեփեր Դավան, Super.ru-ի հետ զրույցում խոստովանել է, որ գլխավոր դեր է խաղալու Սարիկ Անդրեասյանի «Здравствуйте, вам пора» սերիալի երկրորդ եթերաշրջանում։
«Ես միշտ սիրել եմ էքսպերիմենտներ, և սա նոր փորձ է ինձ համար։ Մանկուց երազում էի ֆիլմերում նկարահանվելու մասին, շատ երկար ժամանակ տրամադրեցի դրան, դերասանական կուրսեր անցա»,- ասել է Դավան։
Բլոգերը պարզաբանել է, որ վաղուց էր պատրաստվում իր առաջին դերին կինոյում։ Դավայի խոսքով՝ դասընթացի շնորհիվ՝ իրեն հարմարավետ էր զգում նկարահանման հրապարակում։ Դավան ընդգծել է, որ մտադիր է իր ներկայությամբ հնարավորինս «գեղեցկացնել» պատումը։
Դավան՝ Դավիթ Մանուկյանը հայտնի է նաև Ֆիլիպ Կիրկորովի հետ իր չափից դուրս ջերմ հարաբերություններով:
Հիշեցնենք, որ ռուսական դատարանը քննում էր մի գործ, ըստ որի «Муз-ТВ»-ից 24 մլն ռուբլի էր պահանջվում ՝ երգիչ Ֆիլիպ Կիրկորովի եւ շոումեն Դավայի (Դավիթ Մանուկյան)՝ հեռուստաընկերության երաժշտական մրցանակաբաշխությանը նորապսակների կերպարով ներկայանալու համար: 2021 թվականի ամռանը տեղի ունեցած միջոցառմանը Ֆիլիպ Կիրկորովը բլոգեր Դավիթ Մանուկյանի հետ ժամանել էր սպիտակ լիմուզինով, նրանք եղել են սեւ եւ սպիտակ սմոքինգներով, լուսանկարվել կիսամերկ տղամարդկանց հետ:
Հաղորդավար Իվան Ուրգանտը նրանց ներկայանալը համեմատել էր հարսանիքի հետ:
