Հայաստանում կանանց նկատմամբ հատուկ վերաբերմունք կա. նրանք այլ ապրելակերպ են վարում: Այս մասին ՌԴ Պետդումայում հայտարարել է Լիբերալ-դեմոկրատական կուսակցության նախագահ Վլադիմիր Ժիրինովսկին՝ կոչ անելով իր գործընկեր պատգամավորներին աջակցել հայ-ռուսական միացյալ զորախմբի մասին համաձայնագրին:
«Այնտեղ աղջիկները փողոցներում չեն զբոսնում, չեն ծանոթանում տղամարդկանց հետ, և ամուրիներն այնտեղ անելիք չունեն»,- ասել է Ժիրինովսկին:
Պաշտոնյան նաև ընդգծել է Հայաստանում ռուսական զորախմբի քանակի ընդլայնման կարևորությունը՝ ռազմական հակամարտություններն ավելի արդյունավետ ճնշելու համար:
Հիշեցնենք, որ ՌԴ Պետդուման նախօրեին վավերացրեց հայ-ռուսական միացյալ զորախմբի մասին համաձայնագիրը, որը ստորագրել էին ՌԴ և ՀՀ ՊՆ ղեկավարները Մոսկվայում 2016-ի նոյեմբերի 30-ին:
Աղբյուրը՝ araratnews.am
