Մայիսի 18-ին Լաս-Վեգասում տեղի է ունեցել «Billboard Music Awards» ամենամյա մրցանակաբաշխությունը, որը համարվում է երաժշտական ոլորտի ամենահեղինակավոր մրցանակաբաշխություններից մեկը: Երեկոյի գլխավոր դափնեկիրը դարձել է բոլորի կողմից սիրված արտիստ Ջասթին Թիմբերլեքյը: Ինչպես ամեն տարի, այնպես էլ այս անգամ մրցանակաբաշխությանը ներկա էին ամերիկյան շոու բիզնեսի ամենակարկառուն ներկայացուցիչները, որոնք ոչինչ չէին խնայել շլացուցիչ տեսք ունենալու համար: Բացի իրենց արտաքին տեսքից, նրանցից ոմանք նաև ապշեցրել են իրենց վառ և ցնցող ելույթներով: Նրանցից, թերևս, առանձնացնենք երգչուհի, դերասանուհի Ջենիֆեր Լոպեսին, ով, անդավաճան մնալով իր ոճին, ներկացրել է պարային շքեղ բեմականացում` բեմում ցույց տալով իր ճկունությունը և շքեղ կառուցվածքը: Ի դեպ` երգչուհին ճանաչվել է հաղթող «Մրցանակաբաշխության իկոնա» անվանակարգում:
Ստորև ներկայացնում ենք մրցանակաբաշխության անվանակարգերում հաղթանակած արտիստների ցուցակը`
Լավագույն արտիստ`Ջասթին Թիմբերլեյք
Լավագույն սկսնակ արտիստ` Լորդ
Լավագույն երգիչ` Ջասթին Թիմբերլեյք
Լավագույն երգչուհի` Քեթի Փերի
Billboard Top-200 հիթ շքերթի առաջատար`Ջասթին Թիմբերլեյք
Լավագույւն ռադիո արտիստ` Ջասթին Թիմբերլեյք
Ամենից շատ շրջագայող արտիստ` Բոն Ջովի
Լավագույն համացանցային արտիստ` Ջասթին Բիբեր
Լավագույն ռեփ կատարող` Էմինեմ
Լավագույն քանթրի կատարող` Լյուք Բրայան
Լավագույն լատինո կատարող` Մարկ Էնթոնի
