Օրերս համացանցում է հայտնվել երգիչ Ջասթին Թիբերլեյքի նոր տեսահոլովակը, որը ընդամենը երկու օրում ռեկորդային դիտումների քանակ է գրանցել: Նման դիտումների գաղտնիքը պայմանավորված է ոչ միայն Ջասթինի հայտնի և սիրված լինելու, այլ նաև` տեսահոլովակի իմաստի հետ:
Բանն այն է, որ տեսահոլովակը կառուցված է Ջասթինի երկրպագուների լուսանկարների հիման վրա: Դեռևս գարնանր երգիչը դիմել էր իր երկրպագուներին` խնդրանքով, որ նրանք իրեն ուղարկեն իրենց սիրո մասին պատմող լուսանկարները. ի դեպ` լուսանկարները պետք է ուղեկցվեին #NotABadLoveStory# հեշթեգով:
Արդյունքում, երգիչը ստիպված չի եղել երկար սպասել. ընդամենը մեկ ամսվա ընթացքում հավաքվել է ավելի քան 7000 հրապարակում, որոնցից տեսահոլովակի կազմակերպիչները ընտրել են ամենաանկեղծ և հետաքրքիր լուսանկարները:
