«Հայկական ժամանակ» թերթը գրում է. «ԼՂՀ անկախության 25-ամյակին նվիրված տոնական միջոցառումներին մասնակցելու համար Արցախում գտնվող Սերժ Սարգսյանը երեկ հենց Ստեփանակերտի Վերածննդի հրապարակում միջոցառումների մեկնարկից առաջ մի կողմ էր տարել ԼՂՀ պաշտպանության փոխնախարար, գեներալ-մայոր Սամվել Կարապետյանին (Օգանովսկի Սամո) եւ զայրալից ժեստերով ու դեմքի ընդգծված ջղային արտահայտությամբ մի քանի րոպե շարունակ ակնհայտորեն նախատում էր նրան:
Օգանովսկին կարմրատակել էր եւ տպավորությունն այնպիսին էր, որ անհաջող փորձեր է անում ինչ-որ բան բացատրելու: Այդ ընթացքում ԼՂՀ նախագահ Բակո Սահակյանը եւ հրապարակում կանգնած հյուրերը սպասում էին զրույցի ավարտին:
Մեր բոլոր փորձերը՝ ճշտելու, թե ինչ թեմայով էր Սերժ Սարգսյանի այդ կոշտ խոսակցությունը ԼՂՀ պաշտպանության փոխնախարարի հետ, ապարդյուն անցան, մինչեւ ուշ երեկո մեր բազմաթիվ հեռախոսազանգերին Օգանովսկին այդպես էլ չպատասխանեց»:
Առավել մանրամասն՝ թերթի այսօրվա համարում
