Չնայած այն բանի, որ հոլիվուդյան դերասան Լեոնարդո Դի Կապրիոն այս տարի էլ չկարողացավ իր ձեռքերում բռնել «Օսկարի» հայտնի արձանիկը, բայց դա, համենայն դեպս, չխանգարեց Չելյաբինսկի գեղարվեստական դրամատիկական կամերային թատրոնին շնորհել նրան իրենց թատրոնի պատվավոր արտիստի կոչումը և դա էլ բավական չէ, թատրոնի անձնակազմը Լեոյին պարգևատրել է «Օսկարի» չուգունե արձանիկով:
Այս կոչումը թույլ կտա Լեոնարդոյին անվճար այցելել թատրոնի բոլոր ներկայացումներին, ինչպես նաև օգտագործել դրա անվանումը որևէ գովազդային հոլովակում:
Նշենք, որ այս կերպ հարավային Ուրալի բնակիչները որոշել են աջակցել հոլիվուդյան առաջատար դերասաններից մեկին, ով արդեն չորրորդ անգամ է, ինչ մնում է առանց «Օսկարի» ոսկե արձանիկի:
