Այսօր «Հայաստան» խմբակցության պատգամավոր Գեղամ Մանուկյանն ԱԺ ամբիոնից՝ հիշատակելով հանուն հայրենիքի զոհված դաշնակցականներին, ասաց․ «Երանի նրանց, որ չտեսան ուրացումը, չտեսան, որ դաշնակցությանն ատում են Թուրքիայում, Ադրբեջանում և ՔՊ-ում»։ Գեղամ Մանուկյանը, անդրադառնալով Տավուշում ընթացող սահմանազատման գործընթացին, հայտարարեց․ «Աշխարհում չկա որևէ այլ խելագար կառավարություն, որն իր փոքրիկ հատվածում հետ է քաշվում, երբ օկուպացված են իր երկրի հսկայական հատվածներ։ Ցանկացած նորմալ երկրում իրավապահ մարմինները կալանքի օրդեր կստորագրեին՝ հայրենիքի պետական շահերը դավաճանելու մեղադրանքով»։