Աստղերը նույնպես մարդիկ են, և նրանք էլ են երբեմն դիմահարդարման հետ կապված խնդիրներ ունենում:
Սակայն դրանք հաճախ ոչ թե խնդիրներ, այլ արհավիրքներ են:
Քորթնի Լավ
Չափից շատ գունատ երանգի հիմնային քսուք, այդ ֆոնին շատ են արտահայտիչ այտերը և վառ շրթներկը… Արդյունքում դեմքը դիմակի է նմանվել:
Նիկոլ Քիդման, Ումա Թուրման
Վատ համբավ է ձեռք բերել High Definition սերիայի Make Up For Ever դիմափոշին: Այն թափանցիկ է և ծառայում է դիմահարդարման ամրապնդման համար, ներառում է լույսն անդրադարձնող մասնիկներ: Դիմահարդարները հաճախ են օգտվում դրանից աչքերի տակ մուգ շրջանները փակելու համար: Բնական լույսի տակ դիմափոշին գրեթե աննկատ է, սակայն երեկոյան վառ լույսերի ներքո այն արտահայտում է իր լույս անդրադարձնող հատկություններն ամբողջ ուժով: ….Եվ իր տիրուհու համար նոր կերպար է ստեղծում. «Ես դեմքով ընկել եմ ալյուրի պարկի մեջ»:
Մայլի Սայրուս
Ահա մի օրինակ, թե ինչու փոքրիկ աղջիկներին չի կարելի օգտագործել մայրիկի կոսմետիկան:
Լինդսի Լոհան
Թե ինչքան են լուսանկարիչները ֆիքսել, որ Լինդսին արևայրուքի չափը չգիտի…. Շրթներկի բաց վարդագույն երանգ, մուգ կեղծ արևայրուք և անխնամ մազեր: Արդյունքում՝ դերասանուհին իր իրական տարիքից քսան տարով մեծ է երևում:
Լեյտոն Միսթեր
Կնոջ աչքերի տակ կապտուկները հազիվ թե զարդարեն նրան: Անհասկանալի է, թե ինչու է Լեյտոնի դիմահարդարը նրա smokey eyes դիմահարդարումը ձգել աչքերից ներքև: Ավելացրած այդ մանուշակագույն երանգը…
Թեյլոր Մոմսեն
Դերասանուհի և երգչուհի Թեյլոր Մոմսենը հայտնի է թանձր դիմահարդարման նկատմամբ իր հակումով: Պանդայի է նման: Հնարավոր է, որ այս կերպարը հարմար է բեմի համար, սակայն Մոմսենն այս դիմահարդարումն առօրյայում էլ է օգտագործում:
Կլաուդիա Շիֆեր
Մեկ այլ պանդա: Այս դիմահարդարումով նա հայտնվել է Լոնդոնյան բարձր նորաձևության շաբաթին:
Քիմ Քարդաշյան
Քիմին չի կարելի մեղադրել անփութության մեջ: Սովորաբար նա անթերի տեսք ունի: Սակայն այս անգամ նրան դավաճանել է չափի զգացումը: Մի փոքր ավելի քիչ դիմահարդարում, և ամեն ինչ ավելի լավ կլիներ:
Աննա Լինն ՄակԿորդ
Շատ պայծառ է աչքերի տակ արված դիմահարդարումը: Իսկ շրթներկը դերասանուհու մաշկից մեկ երանգ բաց է:
Քեթրին Զետա-Ջոնս
Հնարավոր է, որ այս վառ դիմահարդարումը երեկոյան լույսերի համար է արված: Սակայն աչքերի մուգ սև մատիտը և վառ վարդագույն ստվերաներկը վախեցնում են, իսկ ահա մաշկը հարկավոր էր նախօրոք մշակել:
Քեթի Փերրի
Աչքերի մոտ կանաչ, իսկ ականջների մոտ կարմիր: Դրան ավելացրած նեոնային վարդագույն այտերը: Քեթին, ինչպես միշտ, յուրահատուկ է: Սակայն արդյոք նրան զարդարում է այս դիմահարդարումը: Դժվար թե:
Աղբյուրը՝ Blog.1in.am
