Հայ երաժիշտ Արթուր Գրիգորյանը (սոպրանո սաքսոֆոն), ով վերջին տարիներին ապրում է Արաբական Միացյալ էմիրություններում և ընկերների հետ ստեղծել է «A.R.S» տրիոն, հրավիրվել է մասնակցելու հնդիկ հայտնի երգչուհի, դերասանուհի Իլա Առունի երաժշտական նախագծում, որը հնդկական, արաբական և այլ մեղեդիների միքս է:Արթուրի կատարման շնորհիվ երգում հայտնվել են նաև հայկական երաժշտական ելևէջներ: MTV-ի եթերով հեռարձակվելուց և համացանցում հայտնվելուց հետո «Նիմոլլի» անունով տեսահոլովակը լայն արձագանք և տարածում է գտել: Նախագծում իր մասնակցությունն է ունեցել նաև հայտնի ռեփեր Բոբ Օմուլոն, ինչպես նաև արևելքում հայտնի կիթառահար Դհրուվ Ղանեկարը:
Նշենք, որ Իլա Առունը երիտասարդ տարիներին նկարահանվել է մի շարք հնդկական հայտնի ֆիլմերում: