Բաթումիում ընթացող շախմատային օլիմպիադայի 5-րդ տուրում Հայաստանի հավաքականն առաջին պարտությունը կրեց՝ զիջելով Ադրբեջանի ընտրանուն: Արձանագրվեց 1.5-2.5 հաշիվը:
Հայաստանի հավաքականի առաջին համար Լևոն Արոնյանը սպիտակ խաղաքարերով մրցում էր Շաքրիյար Մամեդյարովի հետ և պարտություն կրեց 48-րդ քայլում:
Երկրորդ խաղատախտակի վրա Գաբրիել Սարգսյանը սևերով զիջեց Թեյմուր Ռադջաբովին. պարտիան ավարտվեց 43-րդ քայլում: Հրանտ Մելքումյանը երրորդ խաղատախտակի վրա սպիտակներով հաղթեց Արկադի Նայդիչին, իսկ Հայկ Մարտիրոսյանը սևերով ոչ-ոքի խաղաց Ռաուֆ Մամեդովի հետ:
Հայաստանի հավաքականը չորս հաղթանակներից հետո կրեց առաջին պարտությունը:
Օլիմպիադայում կանցկացվի 11 տուր:
