«Պադոշ», բայց էդքա՞ն «պադոշ»: Մարդ ինչքա՞ն պետք է առնվազն տարօրինակ կամ չգիտեմ ինչ լինի, որ իրեն ԵԽԽՎ հայկական պատվիրակության նախկին անդամ դարձնող ԱԺ նախագահին խնդրի, որպեսզի Ստրասբուրգ մեկնելու համար խորհրդարանի միջոցներից գումար տրամադրի…
ԱԺ նախագահն էլ պետք է գումար տրամադրի, որ Զարուհի Փոստանջյանը մասնակցի Ստրասբուրգում կայանալիք ԵԽԽՎ ձմեռային նստաշրջանին ու լալահառաչ բողոքի ԱԺ նախագա՞հից, Հայաստանի իշխանությունների՞ց, որպեսզի բարձրացնի հայկական պատվիրակության լեգիտիմության հա՞րցը:
Հարգարժան տիկին պատգամավոր, բայց երևի ցինիզմն էլ սահմաններ ունի չէ՞: Բավարարվի Տավթի համալսարանի իրավունքի և դիվանագիտության Ֆլեթչերի դպրոցի նորանշանակ դասախոս Միխեիլ Սահակաշվիլու դասախոսություններով: Եթե այդքան քաջ ես դասախոսության ժամանակ բատոնո Միշայից հարցրու Ջավախքից, Վրաստանի հայկական եկեղեցիների, գերեզմանոցների պահպանությունից, թուրք-մեսխեթինցիների վերաբնակեցումից, հայկական դպրոցներից, աղավաղված ուսումնական ծրագրերից…
Հանուն Ջավախքում ապրող մեր հայրենակիցների` հանգիստ գոռա, լեզու, միջնամատ ցույց տուր, նստացույց արա, հիշացրու նրա կնամոլության մասին խոսակցությունները, լսարանի բանալին գողացի, ձախողի դասընթացները չկարողանա դասախոսություն անցկացնի: Մեկա դրա մեծ փորձն ունես Հայաստանում…
Հա’, վերջում էլ կդիմես, որ քեզ մեծահոգաբար գերազանց գնահատի:
