«2006 թվականն էր, այդ ժամանակվա նախագահ Ռոբերտ Քոչարյանն ինձ տվեց վաստակավոր արտիստի կոչում: Ես կյանքում չեմ մտածել, որ ռաբիսին կամ այն մարդուն, որն իրեն համարում է ռաբիս երգիչ, վաստակավորի կոչում տան: Ոչ մի ռաբիս կոչում չէր ունեցել»,- «Արմենիա» հեռուստաընկերության տոնական եթերում ասել է երգիչ Թաթա Սիմոնյանը: Դիտարկմանը՝ հասարակության մեծ մասի կարծիքով Թաթան ռաբիս երգիչ չէ, արձագանքել է. «Հա, բայց ի՞նչ ա՝ չեն ասում: Բոլոր ռաբիսներն էլ՝ մեկը երևանյան ֆոլկ է, մյուսը՝ Լենինականի, Կիրավոկանի: Ռաբիս երգիչները շատ մեծ գործ են արել մեր երաժշտության համար, կուզեի՝ ճիշտ գնահատվեր: Չեմ ուզում ասեն՝ ռաբիս է ու վերջ, հա՛, ռաբիս եմ, ի՞նչ, բայց տեսեք՝ ի՜նչ երկար մազեր ունեմ»,- կատակել է երգիչը: