Թարմացված․ Հաղորդավար Էրիկ Անթառանյանի ֆեյսբուքյան գրառումը․ «Երեկ Սարդարապատի հուշահամալիրի մոտ բերված բեմը, ամբիոնը` զինանշանով, Առաջին ալիքի շարժական հեռուստակայանը, լուսաձայնային տեխնիկան (մի խոսքով ահագին ծախս) ակնհայտորեն շարժման համար չէր բերված այստեղ, քանի որ այդպես էլ չմիացվեց...»։ *** |
«Հրապարակ»-ը գրում է, որ կայքի տեղեկություններով՝ Նիկոլ Փաշինյանը Սարդարապատ չի գնալու: Նման որոշում է կայացվել այն բանից հետո, երբ Բագրատ Սրբազանը հայտարարեց, որ երթով գնում են Սարդարապատի հուշահամալիր՝ այնտեղ գիշերելու եւ հերոսամարտի հաղթանակի տոնը նշելու համար:
Չնայած դրան՝ Հանրային հեռուստաընկերության նկարահանող խումբը հեռարձակում ապահովելու բոլոր սարքավորումներով եւ տեխնիկայով Սարդարապատում է։ «Հրապարակի» տեղեկություններով՝ Հ1-ը ուղիղ հեռարձակմամբ լուսաբանելու է Բագրատ Սրբազանի հանրահավաքը Սարդարապատում։