galatv.am-ը գրում է.Հայ-վրացական սահմանի մոտ գտնվող Բավրա համայնքում բնակիչները դժգոհում են իշխանությունների անտարբեր վերաբերմունքից:
Բավրայի բնակիչներին հուզող մի կարևոր հարց կա. այն, որ գյուղին պատկանող 120 հա հողատարածքն այժմ տնօրինում է վրացական կողմը:
«Երբ որ ռուս-վրացական պատերազմը եղավ, դրանից հետո վրացիները սկսեցին ավելի խիստ վերաբերվել իրենց սահմաններին, ավելի ուշադիր լինել, սկսեցին սահմանների ճշգրտման հարց լուծել, և մեր հողերը մնացին Վրաստանին, հիմա սեփականության իրավունքի վկայականները ձեռքներիս է, բայց մասնավորի հողի վրա Վրաստանը մաքսակետ է կառուցում, այսինքն Բավրայի բնակիչներից մեկի մասնավոր սեփականության վրա»,-նշել է Բավրայի նախկին գյուղապետ Կորյուն Սումբուլյանը:
«50 տարի մենք օգտագործել ենք էդ հողերը, սեփականաշնորհված հողեր են, բայց վրացիներն ապացուցում են, թե իրենց հողերն են: Ստիպված էսօր մեր բնակչության մեծ մասը անասուն կպահե, կապրի, մինչև մեր իշխանավորների քեֆը երբ պտի տա, ուղեղներին զոռ տան, հարցը լուծեն»,- նշել է գյուղաբնակներից մեկը:
Առավել մանրամասն` սկզբնաղբյուր կայքում