Ադրբեջանցիները՝ հավատարիմ իրենց քաղաքականությանը, շարունակում են նույն լկտիությամբ, հնարավոր ու անհնար բոլոր եղանակներով նենգափոխել փաստերն ու հայկական արժեքները ներկայացնել որպես իրենցը:
«Եվրատեսիլ 2014»-ին Ադրբեջանը ներկայացնող երգչուհի Դիլյարա Քյազիմովան ևս անմասն չի մնացել՝ ուկրաինական «Голос»-ում հայկական ժողովրդական «Սարի աղջիկ» երգը՝ ներկայացնելով որպես «ադրբեջանական ժողովրդական» երգ:
Դիլյարան նախ կատարել է «Океан Эльзы» խմբի «Я не сдамся без боя» երգը: Իսկ երբ ժյուրին առաջարկել է ներկայացնել ադրբեջանական ժողովրդական երգ, վերջինս առանց երկար տատանվելու երգել է «Սարի աղջիկ»-ը: Ժյուրիի անդամները երջանիկ անտեղյակության մեջ վայելել են «ադրբեջանական ժողովրդական» երգը:
