«Իմ քայլը» խմբակցության պատգամավոր Ռուբեն Ռուբինյանը, Ազգային ամբիոնից դիմելով «Լուսավոր Հայաստան» խմբակցությունից դուրս գալու դիմում գրած Արման Բաբաջանյանին, նշում է, թե նա այլևս քաղաքական ուժ չունի, մինչդեռ իրենք ունեն։
«Մեր և Ձեր միջև տարբերությունն այն է, որ Ձեր կանխավարկածն այն է, որ Հայաստանը անկարող պետություն է, իսկ մեր կանխավարկածն այն է, որ Հայաստանը ինքնիշխան պետություն է, որ չունի կաշկանդվածություն և պաշտպանելու է իր շահերը»,- շեշտում է նա։
Արտաքին հարաբերությունների մշտական հանձնաժողովի նախագահը վստահեցնում է, որ Ադրբեջանը չի լինի ՀԱՊԿ-ում դիտորդ կամ գործընկեր, որովհետև Հայաստանը կոնսենսուս չի ապահովի։
«Ձեզ հորդորում եմ մի կողմ թողնել Հայաստանի խեղճության և անկարողության կանխավարկածը և սկսել առաջնորդվել Հայաստանի մեծության, ինքնիշխանության և սեփական շահերը պաշտպանելու ունակության կանխավարկածով»,- եզրափակեց նա։
