2023թ. հոկտեմբերի 7–ը մեր հիշողության մեջ հավետ կմնա որպես անասելի սարսափի եւ ողբերգության օր։
Այդ ճակատագրական օրը Համասի զինված ահաբեկիչները հաշվարկված եւ բարբարոսական գրոհ սկսեցին Իսրայելի դեմ՝ ճեղքելով Գազայի հետ սահմանի անվտանգության պատը եւ մեծ վնասներ հասցնելով անմեղ կյանքերին։
Նրանց արարքներն ու կատարած վայրագությունները ապշեցուցիչ նմանություն ունեն տխրահռչակ ԻԼԻՊ ահաբեկչական խմբավորման մարտավարության հետ։
Տեսարանները մղձավանջ էին հիշեցնում՝ անգթորեն սպանված անմեղ քաղաքացիական անձինք, գրավված տներ եւ ամենազարհուրելի երեւակայելի բռնությանը ենթարկված ընտանքիներ։
Մոտ 1300 կյանք ողբերգաբար ավարտվեց, եւ ավելի քան 200 անձ՝ ներառյալ նորածիններ, երեխաներ եւ ծերեր, որոնց ճակատագիրը մնում է օդում կախված, պատանդ վերցվեցին Գազայում։
Միաժամանակ ահաբեկիչները թիրախավորեցին Նովայի երաժշտական փառատոնը՝ միջոցառում, որը տոնում է խաղաղությունը երաժշտության միջոցով։
Այն, ինչը պետք է լիներ մարդկանց ուրախ հավաքույթ, արագ վերածվեց արյունահեղ կոտորածի։
Ահաբեկիչները արձակեցին իրենց կատաղածությունը ոչինչ չկասկածող ամբոխի վրա՝ հարյուրավորներին կոտորելով, կանանց բռնաբարության ենթարկելով, եւ իրենց հետեւից թողեցին խոշտանգված դիակներով արահետ։ Համասը ցույց տվեց, որ նա ամբողջովին արհարմարհում է մարդկային կյանքը եւ մարդկության հիմնական սկզբունքները։
Նրանց գործողությունները պարունակում են հստակ պատերազմական հանցագործություններ, քանի որ նրանք դիտավորյալ թիրախավորել են քաղաքացիական բնակչությանը, ներգրավված են ահաբեկչական գործունեության մեջ եւ խախտել են միջազգային օրենքի սկզբունքները։
Միջազգային հասարակությունը չպետք է աչք փակի այս վայրագությունների վրա։
Իսրայելը՝ ի պատասխան այս մահացու սպառնալիքին, ներգրավվել է անհրաժեշտ եւ արդար պատերազմի մեջ Համասին մեկընդմիշտ վերացնելու նպատակով։
Մեր քաղաքացիների ապահովությունն ու անվտանգությունը առաջնակարգ է, եւ մենք չենք կարող թույլ տալ Համասի նման ահաբեկչական կազմակերպությանը շարունակել իր ահաբեկչության սանձարձակությունը։
Մենք պարտավորվել ենք աջակցել ինքնապաշտպանության սկզբունքները եւ մեր ժողովրդին հետագա վնասից պաշտպանել։
Հրամայական է, որ միջազգային հասարակությունը մեզ հետ միասին դատապարտի Համասին եւ պահանջի անհապաղ եւ անպայմանականորեն ազատ արձակել բոլոր պատանդներին։
Այս անմեղ մարդիկ, որոնց կյանքերը խորտակվել են Համասի դաժանության պատճառով, արժան են արդարության եւ ազատության։
Մենք չենք կարող հանգիստ նստել մինչեւ յուրաքանչյուր պատանդ ապահով չվերադառնա իր սիրելիների մոտ։ Համասին ԻԼԻՊ ահաբեկչական խմբավորման հետ համեմատելը դժվար չէ, երբ դիտարկում ենք կիրառվող մարտավարությունը եւ իրենց գործողությունների ակնհայտ վայրագությունը։
Երկու խմբավորման գաղափարախոսությունն էլ արմատացած է ծայրահեղականության մեջ, եւ երկուսն էլ ցույց են տվել անմեղ մարդկանց նկատմամբ անհավատալի բռնության արարքներ կատարելու պատրաստակամություն։ Աշխարհը պետք է ընդունի այս վտանգավոր զուգահեռը եւ վճռականորեն հստակ քայլեր ձեռնարկի այս վտանգին դիմադրելու համար։
Համասի հազարավոր զինվորականներ, զինված ռազմական մեքենաներով, հակատանկային զենքերով, պայթուցիկներով, քանդեցին անվտանգության պատի մեծ հատվածներ, մինչ իրենց գործընկերները Գազայում հազարավոր հրթիռներով հարձակվեցին իսրայելական տարածքների վրա։ Ահաբեկիչները ներթափանցեցին իսրայելական քաղաքներ եւ Իսրայելի պաշտպանության բանակի ռազմական բազաներ՝ իրենց հետեւից մահվան հետք եւ ավերածություններ թողնելով։
Հիմա սգալով հոկտեմբերի 7–ին կորցրած կյանքերի համար, մենք հիշում ենք հրեա ժողովրդի տոկունության եւ անսասան հոգու մասին։
Մենք հետ չենք քաշվելու ահաբեկչության պատճառով եւ շարունակելու ենք ձգտել խաղաղության եւ անվտանգության մեր տարածաշրջանում։
Բայց մենք չենք կարող միայնակ հասնել այս արդյունքին։
Մենք կոչ ենք անում միջազգային հասարակությանը մեր կողքին կանգնել, դատապարտել Համասի վայրագությունները եւ միասին ջանալ ապահովելու ապագա, որը զերծ է ահաբեկչական կազմակերպությունների ստեղծած ահ ու սարսափից։
Եկեք հիշենք հոկտեմբերի 7–ի զոհերին, հարգենք նրանց հիշատակը եւ պարտավորվենք ստեղծել մի այնպիսի աշխարհ, որտեղ նման վայրագությունները այլեւս երբեք չեն կրկնվի։
Միայն միասնականության եւ անսասան վճռի միջոցով մենք կարող ենք իշխել չարի ուժերի վրա եւ կառուցել խաղաղության ու գոյակցության ապագա։
Ժոել Լիոն,
Հայաստանի Հանրապետությունում Իսրայելի Պետության ոչ ռեզիդենտ դեսպան
