Արդեն տեղեկացրել էինք, որ այսօր հուլիսի 15-ին, երգիչ Աամվել Գրիգորյանը ավտովթարի է ենթարկվել: Ըստ տարածված լուրերի երգիչը ազդրի վնասվածքով տեղափոխվել է հիվանդանոց, որպեսզի վիրահատական միջամտության ենթարկվի:
Asekose.am-ի թղթակիցը կապ հաստատեց Սամվելի քրոջ` Արմինե Գրիգորյանի հետ, ով հերքեց տարածված լուրերն ասելով, որ դրանք իրականությանը չեն համապատասխանում.
«Ես չեմ հասկանում, թե ինչու են նման բաներ գրել: Իրականությանը չի համապատասղանում այդ լուրերը: Վարկանիշ հավաքելու համար պետք չէ նման աներևակայելի տեղեկություններ տարածել: Իրականում թեթև հարված է տեղի ունեցել երկու մեքենաների միջև, իսկ վարորդներն էլ գնացել են հիվանդանոց, որպեսզի ստուգեն արդյոք ամեն ինչ կարգին է իրենց մոտ, թե ոչ: Փառք Աստծո, երկուսի մոտ էլ ամեն ինչ կարգին է»:
Հեղինակ` Անահիտ Հարությունյան
