«Նոր քաղաքական մշակույթ» կուսակցության ղեկավար Անի Զախարյանը ֆեյսբուքյան էջում գրառում է կատարել` ներկայացնելով իր և իր կուսակցության գրանցման ամսաթվով հետաքրքրվող համայնքային պատասխանատուի հեռախոսային խոսակցության սղագրությունը.
«Այսօր ինձ զանգահարեցին ՀՀԿ Շենգավիթ վարչական շրջանից և հետաքրքրվեցին, թե կոնկրետ, երբ է գրանցվել Հայաստանի Նոր Քաղաքական Մշակույթ Կուսակցությունը: Այստեղ ներկայացնում եմ իմ և ՀՀԿ Շենգավիթի տարածքային կազմակերպության անունը չկամ, եսինչ եսինչյանի միջև տեղի ունեցած հեռախոսազրույցը բառացիորեն.
-Բարև Անի ջան
-Բարև
-Եսինչ Եսինչյանն է
-Հա, լսում եմ, Եսինչ
-Անի ջան, դուք որ դուրս եք եկել ՀՀԿ-ից, բա ինչու դիմում չեք ներկայացրել Շենգավիթի տարածքային կազմակերպություն?
-ՀՀԿ-ից իմ դուրս գալու դիմումը ներկայացրել եմ 2012թ.-ի Աժ-ի ընտրությունների նախաշեմին Գալուստին
-Գալուստը ով է?
-Չգիտես Գալուստը ով է?
-հաաա, Գալուստ Գրիգորիչին, բայց պիտի մեզ ներկայացնեիր
-Ինչ տարբերություն, դուրս գալու մասին դիմումս հանձնել եմ կենտրոնական գրասենյակ, իրենք էլ թող ձեզ փոխանցեին
-Դեեե, հասկանում ես, մենք պիտի արձանագրություն կազմենք, որ քանի որ Անի Զախարյանը նոր կուսակցություն է հիմնել, դրա պատճառով որոշել է դուրս գալ ՀՀկ-ից
-Ես վաղուց դիմումը գրել դուրս եմ եկել, իսկ թե ինչ ձևակերպում կտաք դուք դրան, դա ինձ չի հետաքրքրում
-Լավ, Անի ջան, շատ շնորհակալություն, կներեք անհանգստացնելու համար:
Վերջ հեռախոսազրույցին, գոնե իրար մեջ ձեր բառերը համաձայնեցրեք, որ սուտ հարցազրույցներ չտաք իմ մասին. մեկը իբր չի հիշում, մեկն ասում է մենք ենք իրեն հանել, մեկն էլ զանգել է ասում է բա ուր է ձեր դիմումը, եկեք որ արձանագրություն կազմենք: Մառազմ»:
