Ալավերդիում հղի կնոջը զիփլայնով են տեղափոխել. Վանաձորի ՏՏ ոլորտի բիզնեսի զարգացման պատասխանատու Աննա Հովհաննիսյանը ֆեյսբուքյան իր էջում տեսանյութ է հրապարակել, որում նկարագրում է իրավիճակը աղետի գոտում:
***
Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ։
Արարատի մարզի Գետափնյա գյուղի մոտ գտնվող կամրջի հետիոտնի համար նախատեսված հատվածում տեղի է ունեցել մասնակի փլուզում, ինչի հետևանքով կամրջով երթևեկությունը դադարեցվել է։
Քարաթափման հետևանքով միակողմանի երթևեկելի է Սյունիքի մարզի Մեղրի - Ծավ ավտոճանապարհի 33-րդ կմ-ի հատվածը։
Ըստ Ճանապարհային դեպարտամենտ հիմնադրամի՝ փակ է Վանաձոր - Ալավերդի - Այրում - Բագրատաշեն ավտոճանապարհը։
Վարորդներին հորդորվում է դեպի Վրաստանի սահման Մ-6-ը շրջանցել Մ-3 Մարգարա-Վանաձոր - Տաշիր - ՀՀ սահման և Մ-1 Երևան-Գյումրի-ՀՀ սահման միջպետական ավտոճանապարհներով։
Մ-4, Երևան-Սևան-Իջևան-ՀՀ սահման ավտոճանապարհի Դիլիջանից մինչև Իջևան հատվածը երթևեկելի է։ Որոշ տեղամասերում, սակայն, երթևեկությունը միակողմանի է։
***
Բագրատաշենի պետական սահմանի անցման կետ տանող ճանապարհի երթևեկությունը վերականգնված է:
Այս մասին հաղորդագրություն է տարածել ՀՀ պետական եկամուտների կոմիտեն՝ տեղեկացնելով, որ Բագրատաշեն-Նոյեմբերյան-Իջևան-Դիլիջան-Երևան և հակառակ ուղղությամբ երթուղով երթևեկությունը վերականգնված է:
Բագրատաշեն-գ. Հաղթանակ և Իջևան-Դիլիջան հատվածներում երթևեկությունը կազմակերպվում է` օգտագործելով ճանապարհի մեկ երթևեկաշերտը (միակողմանի), ուստի խնդրում ենք նշված տեղամասերով երթևեկել խիստ անհրաժեշտության դեպքում:
Բագրատաշեն մաքսային անցման կետը գործում է բնականոն:
ՊԵԿ տեղեկատվության և հասարակայնության հետ կապերի բաժին
***
ՔՊ-ական պատգամավոր Արեն Մկրտչյանը ֆեյսբուքյան իր էջում գրում է․ «4-րդ հաստատված զոհն ունենք։ Ցավակցում եմ ընտանիքի անդամներին, բարեկամներին»։
