Asekose.am-ի տարվա ամփոփիչ բլից հարզացրույցին պատասխանել է ՕՐՐԱՆ բարեգործական կենտրոնի հիմնադիր Արմինե Հովհաննիսյանը:
-Սիրու՞մ եք Նոր Տարին... Եթե այո, ապա ինչու՞:
-Այո´, որովհետև այն ազդարարում է ՍԿԻԶԲ:
-Ինչպիսի՞ն էր 2014թ-ը Ձեզ համար:
-Լի ընտանեկան ուրախ իրադարձություններով:
-Ձեր կյանքի ամենաուրախ և հիշվող Նոր Տարին:
-6 տարեկան, Վարդաշեն, տարվա առաջին ձյուն, սահնակի վրա, սլանում եմ զառնիվայր:
-Ձեր կյանքի ամենատխուր Նոր տարին:
-Արդեն մոռացության գիրկն է:
-2014-ի ամենակարևոր իրադարձությունը:
-Ընտանիքի առաջին թոռնիկի` Մարալի ծնունդը (քրոջս` Ալվարդի, թոռնիկն է):
-2014-ի կորուստը:
-Ազգային առումով՝ նահատակված երիտասարդներ:
-Որտե՞ղ և ու՞մ հետ եք անցկացնելու Նոր Տարին:
-Հայաստանում, սիրելիների հետ:
-Ի՞նչ եք անում 00:00-ից անմիջապես հետո:
- Միքիչ թախծոտ համբուրում եմ շուրջբոլոր մարդկանց:
-Ի՞նչ նվեր եք ցանկանում Ձմեռ Պապիկից:
-Համբերություն:
-Ի՞նչ եք ակնկալում 2015թ.-ից:
-Անհուն հավատք:
2015 թվականը՝ Եղեռնի 100 ամյակի տարին, անտարակույս, կհամախմբի աշխարհի բոլոր անկյուններում ապրող հայերին մեկ նպատակի և մեկ գաղափարախոսության շուրջ: Ցանկությունս է, որ այդ նույն կուռ միասնությունը լինի նաև ազգային այլ հարցերի շուրջ, ինչպիսիք են՝ հայրենիքի բարգավաճումը, պետականության և եկեղեցու ամրապնդումը, միմյանց հանդեպ սերն ու հարգանքը: Ցանկանում եմ՝ ոչ թե փնտրենք հրաշքներ, այլ նկատենք այն հրաշքները, որոնք արդեն մեր շուրջն են, ինչպիսին է հե´նց Սուրբ ծննդյան տոնը, որն ազդարարում է մի աղքատ, անտուն մանկան ծնունդը, և որն այսօր նշվում է միլիոնավոր տներում: Նկատե´նք այն բոլոր մարդկանց, որ մեր շուրջն են, լինեն նրանք տարեց, թե՝ մանուկ: Բոլորս էլ Աստծո զավակներն ենք, բոլորս էլ հրաշք և հրաշագործ: Շնորհավո´ր Ամանոր և Սուրբ Ծնունդ:
Հեղինակ` Լիլիթ Հակոբյան
