Ազգային անվտանգության խորհրդի քարտուղար, քաղաքագետ Արմեն Գրիգորյանը միացել է ֆլեշմոբին, որի շրջանակներում գիրք են կարդում երեխաների համար:
Արմեն Գրիգորյանն իր զարմիկի՝ Յուրիի համար կարդացել է հատվածներ «100 փաստ, Տիեզերք» գիտահանրամատչելի գրքից:
Մշակույթի նախարար Լիլիթ Մակունցը տեսանյութ էր հրապարակել ֆեյսբուքյան էջում՝ նշելով, որ «Անտարես» հրատարակչության տնօրեն Արմեն Մարտիրոսյանի առաջարկով մինչև հունիսի մեկը սկսում են ֆլեշմոբ-ակցիա՝ յուրաքանչյուրը 10 րոպե հեքիաթ կամ բանաստեղծություն կարդալով իր, ծանոթ-բարեկամների, ընկերների, կամ ՝ պարզապես անծանոթների երեխաների համար՝ կոչ անելով բոլորին միանալ ակցիային:
Լիլիթ Մակունցը փոքրիկ Լիկայի համար կարդացել է Հովհաննես Թումանյանի«Խոսող ձուկը»:
Հիշեցնենք, որ «Անտարես»-ի տնօրենը մշակույթի գործիչների հետ ՀՀ վարչապետ Նիկոլ Փաշինյանի հանդիպման ժամանակ առաջարկել էր, որ մշակույթի նախարարը հեռախոսով մտնի ուղիղ եթեր եւ 10 րոպեի սահմաններում կարդա հեքիաթ։ Իսկ այդպիսով նա կարող է ցույց տալ, որ ընթերցանության ծրագրերը սկսվում են երեխաներից, երբ երեկոյան ժամին նրանց համար հեքիաթ են կարդում։
